10.12.12

-:യൂണിഫോം:-

വൈകിട്ട് തുടങ്ങിയ വിവാഹ പാര്‍ട്ടി ആളുകളുടെ ഒഴുക്ക് തുടരുകയാണ് പൊതുവേ നാട്ടിന്‍പുറങ്ങളില്‍ വിവാഹത്തിനു തലേ ദിവസമാണ് കുടി അടി ജഗപൊക അതിന് കോപ്പു കൂട്ടാന്‍ ഗാനമേളയും വിവാഹ ദിവസം പലര്‍ക്കും ഹാങ്ങോവര്‍ തന്നെ വിട്ടു കാണില്ല...

പരിചിതമല്ല എങ്കിലും സുഹൃത്തിന്റെ നിര്‍ബന്ധത്തിനു വഴങ്ങി പുതു ഷര്‍ട്ടുമിട്ട് വിവാഹ പാര്‍ട്ടിക്ക് കൂട്ടുപോയി. വീടെത്താറായി കാണും പുതു ഫിലിം പാട്ടിന്‍ വരികള്‍ കാതുകള്‍ക്ക് കുളിരേകി വിവാഹ പന്തെലില്‍ ഗാനമേളയിലെ വരികളില്‍ തിമിര്‍ത്താടുന്ന ആളുകള്‍ക്കിടയിലേക്ക് ഞങ്ങള്‍ പതിയെ കയറി.സുഹൃത്ത് പരിചയം പുതുക്കാന്‍ വീട്ടിനകത്തെക്ക് കയറി ഞാന്‍ പതിയെ ഗാനമേളയില്‍ ലയിച്ച് പന്തലില്‍ ഓരം ചേര്‍ന്നിരുന്നു.....

ഹായി മച്ചാ... ആദ്യ അടി നടുപുറത്ത് തന്നെ അപ്രതീക്ഷിത അടിയില്‍ ഒന്ന് പുളഞ്ഞു പിറകിലേക്ക് തിരിഞ്ഞു സോറി ആളു  മാറിയതാ അടിച്ച ആളുടെ മറുപടി.വേദന കടിച്ചമര്‍ത്തി  ഇറ്റ്സ് ഓക്കേ....
പല തവണ എന്റെ നടു പുറം പുകഞ്ഞു ഞാനോ വേദന കൊണ്ട് പുളഞ്ഞു സോറി ആളു മാറിയതാ എന്ന കുമ്പ സാരം മാത്രം ബാക്കി.....

ഒടുവില്‍ സഹികെട്ട് കൂട്ടു കാരനോട് പോലും യാത്ര പറയാതെ പാര്‍ട്ടിയില്‍ നിന്നും ഇറങ്ങി വണ്ടി എടുത്ത് വീട്ടിലേക്കു മടങ്ങി.എന്തായിരിക്കും എന്തി നായിരിക്കും യാത്രക്കിടയില്‍ എത്ര ചിന്തി ചിട്ടും ഒരെത്തും പിടിയും കിട്ടിയില്ല.വീട്ടിലെത്തിയതും ഫോണ്‍ സൈലന്റ് മോഡിലിട്ട് ഉറക്കിന്റെ സുഖാ ലസ്യത്തിലേക്ക് പതിയെ ലയിച്ചു....

ഉറക്കമുണര്‍ന്നപ്പോ കണ്ടത് സുഹൃത്തിന്റെ പത്ത് മുപ്പത് മിസ്സ്‌ കോള്‍ പിണക്കം മറന്ന് ഫോണ്‍ എടുത്ത് അവന് ഡയല്‍ ചെയ്തു മറു തലക്കല്‍ ഹലോക്ക് പകരം ചിരിയുടെ മാലപ്പടക്ക ത്തിന് തിരികൊളുത്തി എന്നതാടാ ആളെ കളിയാക്കുന്നൊരു ഇളി.എടാ എങ്ങിനെ ചിരിക്കാതിരിക്കും ചിരിക്കൊപ്പം മറു തലക്കല്‍ സുഹൃത്തിന്റെ വാക്കുകള്‍ എട മണ്ട ശിരോമണി [നാട്ടിന്‍ പുറത്തെ കളിയാക്കല്‍] നീ എന്തു പണിയാ കാണിച്ചത് എന്നെ വിട്ട് പോന്നത്.....

ശരത്തെ നിനക്കിന്നലെ ശരിക്ക് കിട്ടി അല്ലെ, ദുഷ്ടാ അതിനാ നീ ചിരിക്കുന്നത്.അല്ലടാ കുട്ടാ നീ ഇട്ട ഷര്‍ട്ട്‌ ഞങ്ങളുടെ  കമ്പനിയിലെ യൂണിഫോംമോഡലാണ് തിരക്കിനിടയില്‍ ഞാനത് പറയാന്‍ വിട്ടതാടാ ഓഫീസ് സ്റ്റാഫെന്നു കരുതി അവരൊന്ന് തമാശിച്ചതാ പോട്ടടാ അവര്‍ക്കൊരു അക്കിടി പറ്റിയതാ അവരതിന് നിന്നോട് സോറി പറയാന്‍ എന്നെ എല്പ്പിചിരിക്കാ...

സോറിഡാ റിയലി സോറി....അതു പറഞ്ഞവന്‍ മറു തലക്കല്‍ ഫോണ്‍ വെക്കുമ്പോ ഇന്നലെ കൊണ്ട അടിയുടെ വേദന മറന്ന് എന്റെ മനസ്സില്‍ ചിരിയുടെ ലഡു  പൊട്ടി......
 

4 അഭിപ്രായങ്ങൾ:

  1. ഇനി കല്യാണത്തിന് പോവുമ്പോള്‍ ഇടുന്ന ഡ്രെസ് യൂണിഫോം ആണോ എന്നു ചോദിക്കാന്‍ മറക്കണ്ട ,,,,,

    മറുപടിഇല്ലാതാക്കൂ
    മറുപടികൾ
    1. DEAR SALIM

      ഹൃദ്യത്തില്‍ വന്നതില്‍ വാക്കുകള്‍ക്കതീതമായ സന്തോഷം ഇടക്കൊക്കെ വരണേ.....

      സ്നേഹത്തോടെ പ്രാര്‍ത്ഥനയോടെ ഷംസു

      ഇല്ലാതാക്കൂ
  2. ഹഹഹ...അത് കലക്കി
    എങ്കിലും പാവം നീ..........

    ആശംസകള്‍
    അസ്രുസ്

    മറുപടിഇല്ലാതാക്കൂ
  3. DEAR ASRUS CHETTAAA

    ചിരിച്ചോളുട്ടോ ആരാന്‍റെ അമ്മക്ക് ഭ്രാന്തു പിടിച്ചാല്‍ കാണാന്‍ നല്ല ചേലാണല്ലോ അല്ലെ

    ഹൃദ്യത്തില്‍ വന്നതില്‍ വാക്കുകള്‍ക്കതീതമായ സന്തോഷം ഇടക്കൊക്കെ വരണേ.....

    സ്നേഹത്തോടെ പ്രാര്‍ത്ഥനയോടെ ഷംസു

    മറുപടിഇല്ലാതാക്കൂ