-:cameraയ്ക്കു മുന്‍പില്‍:-

ആദ്യാനുഭവത്തിന്റെ നിര്‍വൃതി അതൊരാള്‍ക്കും ജീവിതാവസാനം വരെ മറക്കാന്‍ പറ്റുമോ ?....
പറ്റില്ല എന്നതാണ് എന്റെ അനുഭവം.

എന്റെ അനുഭവം തികച്ചും വ്യത്യസ്ഥ മെന്നത് കൊണ്ടല്ല.പഠന കാലത്ത് സ്കൂള്‍ കോളേജ് കാല ഘ ട്ടത്തില്‍ കലാപരമായി എന്നും ഞാന്‍ മുന്‍പന്തിയില്‍ ആയിരുന്നു....

ബെസ്റ്റ് ആക്ടര്‍  എന്ന പദവി കൂടി കിട്ടിയപ്പോ ഞാന്‍ വാനോളം വളര്‍ന്നു അങ്ങിനെയാണ് സിനിമാഭിനയം എനിക്ക് തലയ്ക്കു പിടിച്ചത്.അഭിനയ മോഹവുമായി ഒത്തിരി അലഞ്ഞു എന്ന് തന്നെ പറയാം. എന്നാല്‍ പലരാലും പറ്റിക്കപ്പെട്ടു എന്നല്ലാതെ ഒരിക്കല്‍ പോലും മുഖം
കാണിക്കാന്‍ അവസരം കിട്ടിയില്ല.....

ആ ഇടയ്ക്കാണ് എന്റെ സുഹൃത്ത് വഴി കേരളത്തിലെ അറിയപ്പെട്ടൊരു  മലയാള ചാനലില്‍ നൂസ് റീഡറായി സെലക്ഷന്‍കിട്ടിയത്.സന്തോഷം അധികം നീണ്ടു നിന്നില്ല.വീടു വിട്ട് നില്‍ക്കണം അമ്മ തനിച്ചുള്ള വീട്ടില്‍ അതൊരു തടസ്സമായി നിരാശയോടെയുള്ള മടക്കവും അഭിനയ ഭ്രാന്തിന്റെ തിരിച്ചടികളും വീട്ടിലെ പ്രാരാബ്ദവും അഭിനയ മോഹം വഴിയില്‍ ഉപേക്ഷിക്കേണ്ടി വന്ന ഹത ഭാഗ്യ നായ ചെറുപ്പക്കാരന്റെ വേഷ മായിരുന്നു കൗമാരം എനിക്ക് സമ്മാനിച്ചത്.

ഇന്നിതാ അണഞ്ഞു കൊണ്ടിരിക്കുന്ന തീ കണലിനെ ഊതി കത്തിക്കാന്‍ ഒരവസരം മുന്‍പില്‍ വന്നിരിക്കുന്നു.ഒത്തിരി വര്‍ഷത്തെ കാത്തിരിപ്പിന് ചെറിയൊരു മോഹ സാഫല്യം....

കൂടെ ജോലി ചെയ്യുന്ന സുഹൃത്തിന്റെ മഹാ മനസ്കത കളി പറഞ്ഞെന്ന് കരുതി വിട്ടൊഴിഞ്ഞ എന്നെ കാര്യ ഗൗരവം വെക്തമാക്കിയുള്ള യാത്രയപ്പ്.....

മലയാള ചാനലില്‍ ടോക് ഷോ എന്ന പ്രോഗ്രാമില്‍ അവസരം.....
നെഞ്ചിടിപ്പിന് വേഗത..... വരളുന്ന തൊണ്ടയില്‍ ധാഹ ജലത്തിന്റെ വേഗത.....എന്നു മില്ലാത്ത വെപ്രാളം.....താളം തെറ്റിയ മൂത്ര ശങ്ക....ഒടുവിലത് സംഭവിച്ചു ഇടവേളകളില്ലാതെ നീണ്ട രണ്ടു മണിക്കൂര്‍ ഷൂട്ട്‌ ......

തുടക്കം പതറി ഒടുക്കം ഗംഭീരം എന്ന കമാന്റ് അതിരില്ലാത്ത സന്തോഷം ഉള്ളിലൊതുക്കി നാട്ടിലേക്കുള്ള യാത്ര....

കാത്തിരിപ്പിന് വേഗത പോരെന്ന തോന്നല്‍.... ഹൃദയ മിടി പ്പിന്  വേഗത ഏറുന്നു ടെലി കാസ്റ്റിംഗ് വിളി  പ്രതീക്ഷിച്ച്.....